Nana bobo'
tetine coco'
tuti i putei fa nana
e sto puteo no.
Ascolta:
Piova piova vien
che te vogio tanto ben
che te vogio tanto mal
piova piova va in canal
Ascolta:
Bati bati e manine che arriverà papà
el porterà i momoni
che ( nome del bambino) i magnerà
Ascolta:
Campieo campieeto
xe nato un porseeto
questo io gà ciapà
questo io ga copà
questo io ga cusinà
questo io ga magnà
e a questo picenìn
gnanca un tochetìn
(le prime due rime girando in tondo con il dito sul palmo della mano del
bambino e poi contando le dita partendo dal pollice)
Ascolta:
Manina bea
fata penea
dove ti se stada
da ea nona
cossa ti ga magnà
poenta e late
gate...gate...gate
Ascolta:
Burata burata
i spini per ea gata
i ossi per i cani
fasioi par i furlani
el megio per i osei
ea papa per i putei.
( burata ti burata mi
burata quea vecia
che dise mal de mi)
(Burata buraton
buta sto puteo
fora del balcon)
Ascolta:
Su e so sessantanove
case nove da fitar
deghe ea papa al vecio
deghea col scugier!
Ascolta:
Nane Coca fa pipì
eo go visto propio mi
eo go visto co i me oci
Nane Coca ga i peoci.
Ascolta:
Salto biralto
me rompo el naso
me rompo el viso
salto in paradiso!
Deo menueo
deo mesaneo
più ongo de tuti
scaracapussi
massa babai!
(contando le dita della mano del bambino)
Caregheta d'oro,
che porta il mio tesoro,
che porta el me bambin,
caregheta careghin.
Ascolta:
Sbara mi, sbara ti,
ea mia gata vol morir,
eassa pur che a mora,
ghe fasemo na cassa d'oro
cassa d'oro de curame...
bim bum bam amen!
Ghe gera na volta
Piero se volta,
casca na sopa
Piero se copa
casca un sopin
Piero fa un tomboin,
casca un sopon
Piero fa un tomboeon.
Ascolta:
Al nono Cocon
ghe tira el ba eon,
do soldi ea lira
ea goba ghe tira.
Un do tre
la Bepina la fa el café
fa el café coa cioco eata
la Bepina ea se tuta mata
ea se mata pal dotor
la Bepina fa l'amor
fa l'amor col sergente
la Bepina ga mal un dente
i ghe o cava co a tenaja
la Bepina se na canaja!
Se fossi una regina sarei incoronata
ma sono contadina nei campi a lavorar
Do re mi fa fa fa sol la si do do do
Do re mi fa fa fa sol la si do do do
Dentro un vaso di porcellana
stava chiusa una bella cinesina
che danzava la danza americana
con l'ombrellin, cinesin pam pam cinesin pam pam
do re mi fa fa fa sol la si do do do
do re mi fa fa fa sol la si do do do
Din don campanon,
7 muneghe sol balcon
una che stira una che ava
una che fa capei de pagia
una che speta sò marìo che ghe
fassa el pan bogìo sensa ogio sensa sal,
sue rive del canal passa 2 fanti cò 2 cavai bianchi,
passa eà guera...tuti sò per tera!
Ascolta:
Din don campanon
tre putee sol balcon
una che fila, una che tagia
una che fa i capei de pagia
una che prega el Signor Idìo
chel ghe manda un bon marìo
bianco, rosso e co eorìo
come na rosa del giardin,
din don...don din...din din
Ascolta:
Eà befana vien de note
cò e scarpe tute rote
col vestito da romana
viva, viva ea befana.
Ascolta:
El mio bèn
sentà sul fièn
più che io vardo
più beo el vièn...
Ambarabaci ci ci coco
tre civette sul como
che fasevano l'amor
con ea fia del dotor
el dotor xe ammaò
ambarabaci ci ci co co
Ascolta:
Bòvoeo bovoeo tira fora i corni sinò te masso
bòvoo bòvoeo tira fora i corni sinò te masso
Questa xè ea storia de Sior Intento
che dura tanto tempo
che mai no se destriga
vustu che te ea conta
o vusto che te ea diga?
E qua si aspettava la risposta: se era contimea si proseguiva: "ti ti ga
dito contimea, ma questa zè ea fiaba de sior intento... ecc. ecc."
Ascolta:
E desso che ti t'ha cucà el biscoto
no ti ghe vol più ben al to forner
ah, sì birichin
bueon ti e anca iu!
Ascolta:
Conta: Pim pun taratapita pita pirugia
pim pun taratapita pita pirus.
Ascolta:
A Parigi i vende suca
ia tagia col corteo
ia mete sol piateo
chi vol suca vegna qua!
Conta: Soto i ponti de Verona
ghe xe 'na vecia scoresona
ea scoresa tuto el dì
chi va fora ti xe ti
Cavallino Rovarò, con la biada che ti do,
con i feri che te meto per andar a San Francesco,
San Francesco se ontan, va pian pian
pian
El semo, el semo,
el semo s'ha negà
indove, indove,
in rio a san tomà
co cossa, co cossa
co ea chitara in man
blablam blablam...
Conta: Mea peo
mea pòeo
meo porto in campo san Pòeo
e co' so' eà ea mòeo
Pum pum d'oro
la lile lancia
questo sogo
se soga in Francia
lelo lelo mi,
lelo lelo ti,
pum pum d'oro...
Sta soto ti!
Mezogiorno, pan in forno
se el zè coto damene un toco
se el zè cruo àssio eà
mezogiorno zè sonà.
Son marinaio, marinaio della marina
porto le chiavi dell'oro e dell'argento
son marinaio di questo bastimento
finchè l'Italia più libera sarà sarà sarà
Se fossi una regina sarei incoronata ma son na contadina nei campi a lavorar do re mi fa fa fa sol la si do do do
Poenta e osei,
se magna coi dei.
Carne e pan,
se magna coe man.
Ea seegheta va in piassa a tor eà saeata
i vigii eà vede, eà porta in preson.
Eà salta sol leto, eà trova un confeto
el confeto gera duro, eà salta sol muro;
el muro gera bianco,
eà salta sol banco,
el banco gera roto, eà salta sol posso,
el posso gera pien da aqua...seegheta soto aquaaaa!
La Pinpinella la va, la vien
la lissia boge, el masteo xè pien.
Un poco de pan, un poco de vin
par sto povero fantolin
La Pinpinella, la pinpinà
la voli i bezzeti dal so papà
el papà non ghe n' à,la mama ghe cria,
la pinpinella la xè finia
Larga ea foia, streta xe ea via,
contea ti che mi ea go finia
Dona Maria in Francia...
impresteme el sc.iopetin...
finamente che vado in Francia a copar sto osein...
che tutta ea notte canta, no posso mai dormir...
el canta da gaeo, risponde ea gaina....
ea nona Giuseppina, sentada sul balcon...
indove xe sto balcon?...
el fogo lo ga brusa'...
indove xe sto fogo?...
l'acqua ga destua'...
indove xe sta acqua?...
el bove la ga sorbia...
indove xe sto bove?....
in campo S.Polo, i ghe tagia ea testa e el coeo...
col sc.iopetin dei omeni...
che magna pan e fava...
ea fava gera cota...
i la ga messa dadrio ea porta....
ea porta gera piena de acqua...
ande' a ciamar ea nona Cornacchia...
ea nona Cornacchia no pol venir...
ghe xe nato un bel bambin...
ea va su per e montagne...
ea xe che ea serca e castagne...
e castagne xe de oro...
ande a ciamar el Barbadoro...
Barbadoro s'ha fatto ea barba...
merda in bocca a chi me varda.
Ninna nanna, ninna o
sto puteo a chi gheo do?
Se gheo dago aa befana, el meo tien na' settimana;
se gheo dago al lupo nero, el meo tien un ano intero
se gheo dago al lupo bianco el meo tien tanto tanto
Ninna nanna ninna, ninna o
sto puteo a chi gheo do?