CANZONI VENEZIANE

A VENEZIA IN GONDOLA SE VA
(De Sanzuane - Caon)
torna elenco canzoni

Venezia ti xe bela
t'incanti el mondo ntier
ti slusi come una perla
su la to laguna blu,
co la luna t'inarzenta
t'inviti a far l'amor
e se in gondola se va
soto i ponti a sognar
luna e stele ne canta cussì...

A Venezia in gondola se va
gondola vien, gondola va,
a Venezia l'amor se fa
gondola vien, gondola va.

Sul Canal Grande xe belo andar
su la laguna xe belo sognar!

A Venezia in gondola se va
gondola vien, gondola va. Venezia mia dileta
nissuna xe come ti
i secoli che passa
no' cambia el to splendor,
la to belessa inebria
fa innamorar de ti,
maravegia ti xe
'na magìa che dal mar
nata xe par far tutti sognar

torna elenco canzoni

BARCHETA VA'
(Grassi-Spellanzon)
torna elenco canzoni

Varda che calma
che xe la luna,
xe come un specio sto nostro mar
no' ghè un batelo su la laguna
che tanta pase vien disturbar.

Barcheta va,
barcheta va
a secondon
che'l ciel te fa
da padiglion.

Ha no che in fondo fra più colori
un faraleto vedo tremar
in quea barca sarà dei cuori
che certo insieme se vol strucar.

Barcheta va,
barcheta va
a secondon
che'l ciel te fa
da padiglion.

Ameve ameve zovani e tose
nessun ve sente fin quà basar
che in tanta pase l'onde gelose
le porta i basi lontan sul mar.

Barcheta va,
barcheta va
a secondon
che'l ciel te fa
da padiglion.

torna elenco canzoni

BONDI' VENEZIA CARA
(Ghisalberti-Wolf Ferrari)
torna elenco canzoni

Cara la mia Venezia,
me dispiaserà certo de lassarla
ma prima de partir vòi saludarla.

Bondì Venezia cara
bondì Venezia mia
veneziani siorìa.

Bondì caro campielo
no dirò che ti sì bruto nè belo,
se bruto ti xe stà, mi me despiase:
no xe bel quel c'è bel,
ma quel che piase
bondì bondì.

torna elenco canzoni

CIAO VENEZIA
(Pallesi-Malgoni)
torna elenco canzoni

Così bella non ti ho vista mai
addormentata sul tuo mar
sei come una favola che non so narrar.
Tante cose dire ti vorrei le vecchie case salutar
mi sento ridicolo e non so parlar.

Ciao Venezia, ciao Venezia,
ciao Venezia ciao ciao ciao.
Ciao Venezia, ciao Venezia,
ciao… ciao ciao!

Non potrò dimenticarti più,
vorrei portarti via con me,
mi sembra impossibile
star lontan da te.
Io ti lascio un po’ di gioventù,
un po’ di vita, un po’ di cuor,
ho voglia di piangere nel lasciarti ancor.

Ciao Venezia, ciao Venezia,
ciao Venezia ciao ciao ciao.
Ciao Venezia, ciao Venezia,
ciao… ciao ciao!

E’ lontano il Ponte dei Sospir
ma io continuo a sospirar,
aspetto il miracolo di poter tornar.
Lentamente l’ora di partir
mi stà portando via da te,
carezzo una gondola e non so perché!

Ciao Venezia, ciao Venezia, 
ciao Venezia ciao ciao ciao.
Ciao Venezia, ciao Venezia,
  ciao… ciao ciao!

torna elenco canzoni

CIARO DE LUNA
(De Sanzuane - Da Preda)
torna elenco canzoni

O cara Venezia t'incanti
el xe tanto belo el to mar
mile gondole soni e canti
Venezia, me par de sognar!

Venezia ti xe sempre quela
che tutti te tien dentro al cuor
i secoli te fa più bela
te dona color e splendor.

San Marco Rialto e San Giorgio
d'intorno 'ste perle te sta.

Xe sera e xe ciaro de luna
xe pronta la barca o tesor
andemo 'sta note in laguna
a viver el bel sogno d'amor.

La scorre su l'onda la gondola
ti senti dolcezza o mio amor...
Co l'onda putela te dondola
te baso strenzendote al cuor!

Oh... oh... oh... oh...
oh... oh... oh... oh...

torna elenco canzoni

COME SE FA
(Umberto Da Preda)
torna elenco canzoni

La gà un naso che par un codogno
pien de nate, nerveti e intrighi
e ghe nasse parfin dei fighi,
qualche nespola e qualche melon.

Come se fa, come se fa,
quando che la vedo me sento incantà,
come se fa, come se fa,
quando che la vedo me sento incantà.

La gà i cavei che xè longhi ‘na quarta,
tutti dritti che par sparesele
e ghe nasse perfin sulla pelle,
qualche crosta de pan brustolà.

Come se fa, come se fa,
quando che la vedo me sento incantà,
come se fa, come se fa,
quando che la vedo me sento incantà.

La gà un ocio che varda a levante,
la gà un altro che varda a ponente
e ghe par de incontrar de la gente,
anca quando che solo la và.

Come se fa, come se fa,
quando che la vedo me sento incantà,
come se fa, come se fa,
quando che la vedo me sento incantà.

La gà i denti che par una siega,
tutti rotti e tutti sbuzai,
la gà una boca che par ‘na botega,
‘na botega de fassi e carbon.

Come se fa, come se fa,
quando che la vedo me sento incantà,
come se fa, come se fa,
quando che la vedo me sento incantà.

torna elenco canzoni

CUOR E CHITARA
(Bianchini)
torna elenco canzoni

Anca 'stanote Nina so' vegnudo
co la chitara in man e in gola el cuor.
Ma come geri so' tornà deluso
co' in man la mia chitara e'l pianto in cuor.

E si che 'sta Venezia co'l ciaro de la luna
co'l scuro dei canali l'è fata per l'amor.
Venezia Venezia l'è fata per l'amor.

La to finestra Nina xe serada
ne val la mia canzon ne 'l mio sonar.
A cossa serve l'estro dei vint'ani
canzon mia, povareta, e 'l mio sonar.

E si che 'sta Venezia co'l ciaro de la luna
co'l scuro dei canali l'è fata per l'amor.
Venezia Venezia l'è fata per l'amor.

Solo le corde de la mia chitara
domanda pase el cuor per no morir.
Ma la speranza -dise la chitara-
nel cuor che cerca pase, no' vol morir.

torna elenco canzoni

DO BASI DE FOGO
(De Sanzuane - Millan)
torna elenco canzoni

Dame dò basi bela
dame dò basi de fogo
ti lo sa che mi te vogio
te vogio un mondo de ben.

El mar xe color del cielo
viseto belo stame vissin
la notte xe un incanto
te amo tanto dime de sì
su la mia gondola d'oro
vivemo un sogno d'amor.

Dame dò basi bela
dame dò basi de fogo
ti lo sa che mi te vogio
te vogio un mondo de ben.

El mar xe come l'ogio
cara te vogio tutta par mi
la luna ne xe vissina
vien qua bambina strenzite a mi.
Pusa 'sta bela testina
che mi te canto cussì.

Dame dò basi bela
dame dò basi de fogo
ti lo sa che mi te vogio
te vogio un mondo de ben.

torna elenco canzoni

EL GONDOLIER
(Canfora - Da Vera)
torna elenco canzoni

Pope… Oeh!, pope… oeh!,
gondola gondola va!

Notte de luna, notte piena de stele,
vado in laguna e vogo e vogio cantar.

Mi so el gondolier
che in gondola te ninòa,
se el remo in forcòla sigòa,
coverze el scìoco dei basi.

Mi so el gondolier
che ancora in mar ve dondola,
no ste a curarve de mì,
mi fasso andar la gondola.

Pope… Oeh!, pope… oeh!,
gondola gondola va!

El tempo passa e 'l sol
già spunta a levante,
torno in cavana e vogo
e vogio cantar.

Pope… Oeh!, pope… oeh!,
gondola gondola va!

(finalino) Pope… oeh! ,
Pope… oeh!
gondola gondola va!

torna elenco canzoni

FA LA NANA BAMBIN
(Sadero)
torna elenco canzoni

Fà la nana bambin,
fà la nana bambin
nei brazeti de la mama
nei brazeti de la mama
fà la nina, fà la nana.

Che la mama xe quà,
el papà el tornarà,
fà la nina, fà la nana,
nei brazeti de la mama
de la mama fà la nana.

E se lu no'l tornarà
la tua mama la pianzarà,
ma'l bambin no'l vedarà
perche nana lu'l farà,
nana nana nà.

Fà la nana bambin,
fà la nana bel bambin!

torna elenco canzoni

GONDOLIERA
(testo di traizione - musica di Sadero)
torna elenco canzoni

Nina mia, son gondoliero
vien a veder la gondola mia,
vien zo Nina che andemo via
vien che andemo in alto mar.

Co sto fià de bavesela
col zendà 'ndaremo a vela
oltre le franze te basarò
baso le bele le brute no.

Nina mia, varda 'sto zielo
che sluzor che fa le stele
e la luna par far co' ele
la se basa col fondo del mar.

Co sto fià de bavesela
col zendà 'ndaremo a vela
oltre le franze te basarò
baso le bele le brute no.

torna elenco canzoni

IL CARNEVALE DI VENEZIA
(Paganini)
torna elenco canzoni

Che festa che allegria
su ‘sta magica città
vien zò Nineta mia
fate bela e vien qua.

I canta i ride zà tutti,
tutti quanti va a balar
e dopo verso el tardi
coraremo a far l’amor

Ciò magna, bevi e canta,
no badar chi pagarà,
vin bianco e bon corbinèo,
oseeti e bacalà.

E dai su e zò
che no ghe ne posso più,
se rivo fin a doman
mi so mato da igar.

torna elenco canzoni

IN SANDOLO
(B. Bianchini)
torna elenco canzoni

Cento inviti me ga fato sul so sandolo Tonin.
E mi sempre: "Xelo mato? No me fido, paronsin".
Ma una sera, sa el siroco, sia le ciacole, no so;
fato sta che a poco a poco
m’o lassada tirar zo.

Che fio de bava ghe gera in laguna!
La barca una cuna, ninava ninava.
El tasa, Tonin non rompa ‘sto incanto!
Silenzio e lu intanto vogava pianin.

N’altra sera, el ga volesto che provasse mi a vogar,
e, confusa, go dovesto quel bel tomo contentar!
Quanti granzi! Sul più belo el coragio me mancava;
e anca el remo, natarèlo
da le man el me scampava.

Che fio de bava ghe gera in laguna!
La barca una cuna, ninava ninava.
no basta Tonin nol rompa ‘sto incanto
mi sogno e lu intanto el voga pianin.

Geri sera, finalmente, straco forse de vogar,
el se m’à sentà da rente scominciandome a parlar.
Lu pareva assae commosso: mi tiravo a farme in là
ma disème,ghene posso se el cussin xè terminà?

Che fio de bava ghe gera in laguna!
La barca una cuna ninava ninava.
Ancora, Tonin no romper ‘sto incanto!
Me piase sì tanto, de starte vicin.

torna elenco canzoni

LA BIONDINA IN GONDOETA
()
torna elenco canzoni

La biondina in gondoeta
l'altra sera gò menà
dal piasser ea povareta
la s'à in bota indormensà.

La dormiva su sto brasso,
mi ogni tanto la svegiava
e la barca che ninava
la tornava a indormensar.

Tra le nuvole, la luna
gera in cielo meza sconta;
gera in calma la laguna,
gera el vento bonassà.

Una sola baveséa
sventoeava i sò cavei
e faseva che dai veei
sconto el sen no fusse più.

Contemplando fisso, fisso
e fatesse del mio ben,
quel viseto cussì slisso
chea boca e chel bel sen,

me sentiva dentro el pèto
una smania, un smissiamento,
una specie de contento
che no so come spiegar

So sta un pesso rispetando
che'l bel sen e o soportà,
benché Amor de quando in quando
el m'avesse assae tentà.

E o provà butarme zozo
là con ela a pian pianin;
ma col fogo da vissin
chi avarìada riposar?

Mo stufà po finalmente
de sto tanto so dormìr
e gò fato da insoente
né m'ò avuo da pentìr;

perché, o Dio, che bea cossa
che gò visto, che gò fato!
No, mai più tantobeato
ai me zorni no sò stà!

(La risposta della biondina)
Canta, infame, le bravure
che ti à dito, che ti à fato.
Ma pitosto, canta el vero
della schiaffa maledeta
che da ti stada costreta
sol to muso gò molà.
E po' canta finalmente
come, sensa alcun costruto,
ti è restà, là, a muso suto.

torna elenco canzoni

LA CANZON DEL REDENTOR
(Trevisan - Zanon)
torna elenco canzoni

No xe degno de 'sta tera
de Venezia no xe fio
chi no fa la note in barca
e no fa matina a Lio.

Dai bagordi veneziani
questa xe la tradizion,
taca Tita co l'armonica
quatro note de ocasion.

Redentor, Redentor ti xe belo
festa degna de papi e de re,
se confonde la luna dal cielo
coi baloni che in tera che xe.

A 'sta festa principesca
tuti amici intorno semo,
sia le pene che i malani
tuto qua desmenteghemo.

Comareta, permeteme,
che travasa un fià de vin,
taca Tita co l'armonica
semo pieni de morbin.

Redentor, Redentor ti xe belo
festa degna de papi e de re,
se confonde la luna dal cielo
coi baloni che in tera che xe.

Xe 'ste frasche qua de sora
xe i baloni illuminai,
che la vita dà a 'sta festa
che no gà da sparir mai.

El canal de la Zueca
cale e campi xe un amor,
taca Tita co l'armonica
la canzon del Redentor.

Redentor, Redentor ti xe belo
festa degna de papi e de re,
se confonde la luna dal cielo
coi baloni che in tera che xe.

torna elenco canzoni

LA MARANGONA
(testo di tradizione- musica Sadero)
torna elenco canzoni

Scòltila scòltila Nina
la marangona che sona
cossa la brontola
la staga bona
che proprio ancùo
no son de morbin.

Ma se po' la tasarà
chi, chi me tegnarà?
don, don, don, don,
che sorta de basi
te scocarò in scondon.

Scòndite scòndite Toni
no zigar soto i balconi
ghe xe la mama impisolada
straca dal caldo
e dal gran strussiar.

Che se ti la svegiarà
chi, chi la tegnarà
don, don, don, don,
che sorta de sberle
me tocarà in scondon.

torna elenco canzoni

LA PERLA
(Granziotto - Bianchini)
torna elenco canzoni

Una perla luminosa xe cascada zo dal cielo
come el velo de una sposa gera bianco el so splendor.
In quel tempo la laguna tuta lustra come un vero
la rideva co la luna ne la quiete de l'amor.

Quela perla sastu Nina
l'a butada el Redentor.

La gran quiete che ghe giera sastu Nina, xe sparìa
e su l'acqua quela sera se ga visto la cità.
I balconi a filigrana, i palazzi el canalazzo,
de putele una colana per incanto s'à trovà.

Tuto gera ne la perla
che Venezia i ga chiamà.

Perla perla luminosa che ti geri in paradiso
come el viso de una sposa gera bianco el to fulgor.
Xe per questo sastu Nina che i to oci sluse tanto
che la pele ti ga fina come fogia de un bel fior.

Ti xe nata da la perla
che butà ga el Redentor

torna elenco canzoni

LA PIGNATA DE’ FASIOI
(Canzone popolare veneziana)
torna elenco canzoni

Cossa gogio da far se no lavoro,
i fioi siga:"Gò fame!" tuti in coro,
mia muger me manda ai sindacati,
la boba vado a tor anca dai frati.

Ma un giorno perfar presto
su ‘na scorza so sbrissà,
s’ha roto la pignata
e i fasioi s’ha rebaltà.

Vado a casa pensando ai me fioi
che spetava el papà coi fasioi,
co ‘i m’ha visto i s’ha messo a sigar:
"Xè rivà ‘l papà co’l magnar!"

Ma anca mì cossa gò po’ da farghe
se la pignata se gà rebaltà…
Niente più no gavevo da darghe
per sfamarli quel dì tutti tre.

Gavevo un guardaroba mal fornìo
‘na giacheta e un capèo smarìo;
vien che scade el giorno de l’afito,
mia muger me và a impegnar el vestito.

Appena che i lo gà visto
i gà dito:"El xè tarmà!
Eo porta in ghetto vecio,
al museo de l’antichità!".

Nianca al monte no la gò intivada,
la giacheta la gera tarmada,
ma anca mì cossa go po’ da far,
se l’afito me toca pagar.

Se el paron me mandarà in strada,
a le barache me tocarà andar.
S’el destin co’ noialtri la gà fissada,
de farne soffrir sempre più.

Mamma mia cossa gò fato,
maridarme so stà mato,
maledeta que la volta
che no ghe gò roto la noza sul fogher!

torna elenco canzoni

LE 40 CANZONETE
(Canzone popolare)
torna elenco canzoni

Ogni sera di sotto ai miei balconi
sento cantar una canzon d’amore,
spesse volte la ripete un bel garzone…

Ai nostri monti ritorneremo
l’antica pace vogliamo far.
Sei ostinata cinque minuti prima
io t’ho baciata.

Siamo giunti sul passo estremo,
la calunnia è un venticello.
Si scopron le tombe si levano i morti
i martiri nostri son tutti risorti.

La diga parona bela
come sta la so sportela,
la gò vista tanto bela
che innamorar me fa.

E con ciò e senza ciò&
la galina xè ‘dada in pignata
e con ciò e senza ciò
la galina s’ha cuzinà.

La porta un litro de quel bon,
la porta un litro de quel bon
la porta un litro de quel bon
per la Gigiota.

Gigiota mia per carità,
Gigiota mia per carità
Gigiota mia per carità
dammi la mano.

Perché el xè qua, el xè su el xè zò
a San Cassian sul ponte che fa la legna,
dizeghe ch’el vegna, dizeghe che el vegna.

Perché el xè qua, el xè su el xè zò
a San Cassian sul ponte che fa la legna,
dizeghe ch’el vegna,a far l’amor!

Evviva l’arte del boter
che l’è un magnifico mestier.
Viva l’arte del boter
che l’è un magnifico mestier.

Nina mia son barcarolo,
son dell’arte sono gentile
sulla mia barca se vuoi,
se vuoi venire,
noi andremo in alto mar!

O Dio del ciel che fai fiorir le sucche
fammi veder le gambe delle putte.
La Marianna la va in campagna
fin ch’el sol tramonterà…;
chissà quando,
chissà quando tramonterà.

Di quella pira l’orrende foco,
tutte le pire vedremo un di.
La parona no vol che cantemo
dispeto ghe femo, dispeto che femo.
La parona no vol che cantemo
dispeto ghe femo cantemo pianin.
Cantemo… cantemo pianin!

Buonasera miei signori, buonasera…
presto andiamo via di qua,
presto andiamo via di qua.
Andiam, andiam!

torna elenco canzoni

MARIETA MONTA IN GONDOLA
(Bixio-Cherubini-Concina)
torna elenco canzoni

Lui: Marieta monta in gondola che mi te porto al Lido!
Lei: Mi no che no me fido, ti xè massa un impostor!
Lui: Cossa te disi cocola? Perchè in quel boscheto...
Lei: Ti m'ha scrocà un baseto per pissegarme el cuor.

E tiche-tiche-ti... ti te disi "no"
ma mi so' che te bate el cuore...
tiche-tiche-tà... anca lu lo sa
che a Venessia l'amor se fa...
... in gondoleta..!
Lei: Digo no... no ghe vegno no!!!

Co sto afar del si e del no, moleghe on ponto...
moleghe on ponto... molè un ponto tutti do...!

Lui: Ma varda che spetacolo la luna xè d'argento
Lei: No far del sentimento cossa te vol mi so'.
Lui: Sora le tonde cupole, svola le colombele
Lei: Zònteghe pur le stele ma no me fido no!

E tiche-tiche-ti te disi "no"
ma mi so' che te bate el cuore...
tiche-tiche-tà... anca lu lo sa
che a Venessia l'amor se fa...
... in gondoleta...!
Lei: Digo no... no ghe vegno no!!!

Lui: Va ben, va ben finimola mi ciapo un'altra strada
Lei: Te fa una balossada, no so se te convien!
Lui: Me sercarò Felisita per farte un bel dispeto
Lei: Mi no che no permeto perchè... te vogio ben...!

E tiche-tiche-ti... ti te disi "si"
anca mi, si me bate el cuore...
tiche-tiche-tà... che felisità
a Venessia l'amor se fa...
in gondoleta, in gondoleta...
in gondoleta, te darò un basin!!!

torna elenco canzoni

'NA BARCA DE ROSE
(Giamborlè-Casadei)
torna elenco canzoni

Nina, Nina 'na barca ne speta
tuta piena de splendide rose
quatro tosi co' quatro morose
mi da solo no vogio restar.

Co' 'sta luna za tuta d'arzento,
co' 'sti canti e 'ste musiche bele,
zo dal ciel pian pian vien le stele,
ma nessuna ze megio de ti...

'Sta note cussì bela,
xe festa d'alegria,
co ti, Nineta mia,
che gioia in mezo al mar.

Tra foghi, soni e ciassi,
nessun ghe farà caso,
se ti me dà quel baso
che geri te go dà.

Nina mia te speto dabasso
vago in orto a stacar tante rose,
quele rosse xe sempre odorose,
le più bele le togo per ti...

Co' saremo davanti a la riva
ti le buti zo in barca a quei tosi
quel profumo sarà pei morosi,
el preludio d'un sogno d'amor!...

torna elenco canzoni

'NA GONDOLA DE ROSE BIANCHE
(De Sanzuane - Zanetti)
torna elenco canzoni

'Na gondola
piena de rose bianche
in una bela ceseta
te portarà a sposarte
mio amor...

'Na gondola
de oro e rose bianche
la scorre pian sull'onda
per farte dir de sì
de sì...

Xe giorno de gran festa
anca el mar ga el color del cielo
sonè, sonè campane
diseghe a tutti
la mia felicità...

'Na gondola
de oro e rose bianche
la scorre pian sull'onda
per farte dir de sì...
de sì...

torna elenco canzoni

NERO NERO
(canzone popolare)
torna elenco canzoni

Il primo furto da me compiuto
è stato quello della signora,
co’l pugnale nella gola
quanti schei che ghe gò ciavà.

Cinquecento marenghi d’oro
mescolati ad altri argento,
sono andato a cuor contento
in ostaria a magnare e a ber.

Quando suona la mezzanotte
arrivava la polizia,
circondava l’ostaria
a Santa Maria i me gà portà.

A tradirmi fu un grande amico
che di nome si chiamava Nero,
lo credevo un amico sincero
e invece il vile m’ha rovinà.

O secondino fammi il favore
di prestarmi inchiostro e penna
voglio scrivere alla mia bella
che mi venga a ritrovar.

O Nero Nero dove tu
sei ingannator della vita mia,
tu sei stata una malaspia
che in galera me gà mandà.
Oh Nero Nero…

torna elenco canzoni

NOCCHIER
(canzone popolare)
torna elenco canzoni

Nocchier nocchier...
sorgi sorgi il cielo è stellato.

Sorgi sorgi il cielo è stellato.

Giunto al fin dell'istante bramato.
Giunto al fin...

Vien dai flutti la notte feconda.

Vien tra i flutti la notte feconda.

Spiega al vento
con le vele nocchier
spiega al vento a le vel.

Prendi il largo
saluta la sponda
a Venezia più dolce
più dolce pensier.

Si più dolce pensier.

Predi il largo nocchier
nocchier, nocchier...

La discesa t'aspetta
al chiaro di luna
voga el mar...

torna elenco canzoni

OGNI ONDA PORTA UN RAGGIO
(Ruetta - Fabbian)
torna elenco canzoni

E' mezzanotte, s'alza la luna
tremo lo specchio della laguna
che da smeraldo divien d'argento
sotto la lieve carezza del vento.

Ogni onda porta un raggio
che dondola pian piano
somiglia la laguna blu
ad un ciel pien di stelle,
s'allungano sull'acqua
le gondole discrete
guizzando tra i raggi d'or
che fan lume all'amor.

Io che attendo qui solo
che il mio sogno s'avveri
rubo un raggio alla luna
che fortuna darà.

Ogni onda porta un raggio
che vaga nella notte
s'infrange in una gondola
con un bacio e muor!

torna elenco canzoni

QUANDO VEDO LA MIA VENEZIA
(Da Preda - Assuan)
torna elenco canzoni

Quando vedo la mia Venezia
cussì bela e cussì cara,
per le strade e per i campieli
ghe xè sempre gente allegra.

Ma ‘na gondola sull’acqua
tuti quanti se vol ben,
o Maria, Maria, Maria,
torno ancora là con ti.

I m’ha dito che ti pianzi
e che te mancavo tanto,
ti savessi quante volte
mi pensavo de tornar.

O Venezia, Venezia mia
mì te vogio tanto ben,
sol de ti gò nostalgìa,
sol con ti me sento ben.

Vogio dirve a tuti quanti:
"Deve un baso, deve la man!"
O Maria, Maria, Maria
torno ancora la co’ ti.

torna elenco canzoni

REDENTOR IN FAMEGIA
(B. Bianchini - G. Bianchini)
torna elenco canzoni

Gavemo la barca xe pronti i festoni
la tola, i baloni.
Gavemo le anare, i sfogi in saor.
La torta de mandole i fruti el liquor...
nè manca s'intende do fusti de vin,
da pasto, ma fin...

In più ghe sarà la mama e el papà
e po' i me fradei co spose e putei
e l'amia col barba
ma se pur no te garba
te vogio anca ti, Piereto co mi.

Capisso, più belo saria per do tosi
disemo morosi, de far redentor,
insieme contenti e soli senza anare
e senza parenti, butai zo in sandolo
a scuro lontan da ogni bacan.

Stanote el to posto sarà a rente al mio
me gastu capìo?
Sul tardi i baloni sarà consumai
e strache le done e i fioi impisolai
i omini in cimberlis
e alora l'amor farà redentor!

torna elenco canzoni

VALESANDO IN LAGUNA
(-peregrinazione lagunaria-)
(testo di tradizione)
torna elenco canzoni

E mi me ne sun 'dao
donde che feva i goti
ziogando la spineta
ai altri ciochi.

Mi go de le fugasse
de quele de Malghera
ho caminao par tera
fino a Fusina.

Dal trasto a la sentina
co' un batelin da schiopo
andavo de galopo
a la Zueca.

Ho caminao la seca
tuta la pescaria
ho dà la pope indrio
ai do castei.

Ho visto l'orto degli abrei
co tute le Vignole
da le Vignole indrio
me so reduto.

Ho caminao par tuto
ho trovà un buranelo
l'aveva un bel sestelo
a l'ha mostrao.

E mi me ne sun 'dao
donde che feva le scuele
ziogando la spineta
le done bele.

torna elenco canzoni

VECCHIA VENEZIA
(De Sanzuane - Da Preda)
torna elenco canzoni

Vecchia Venezia tu sei sempre uguale,
tutto di te è rimasto come allora,
le dolci serenate lungo i canali,
fan sempre il cuor di tutti palpitar.

L’aria de ‘sta città fa innamorare,
il suo profumo dona felicità,
in gondola van gli amanti per sognare,
vecchia Venezia tu sei sempre uguale.

Venite o forestieri ad ammirare
Venezia, la Ca’ d’Oro e il suo bel mar.

torna elenco canzoni

VENEZIA NO
(Tortorella-Zanetti)
torna elenco canzoni

Mamma e papà cinquant’anni fa,
sposi a Venezia arrivarono
e per ricordo comprarono
una gondola col carillon.

Ma quel ricordo di un’altra età
che accompagnò la mia gioventù,
oggi purtroppo non suona più
la sua magica e cara canzon.

Tutto è cambiato ormai,
Venezia no, Venezia no non cambia mai.
E se a Venezia vai
come a quei tempi di Goldoni la vedrai.

Cambiano le città, Venezia no,
Venezia no non cambierà.
Guardi e Milesi un dì
l’hanno dipinta come tu la vedi qui.

Passa la vita di tutti noi
come un merletto sul tombolo,
in ogni cuor la sua gondola
in un mare di gioia e dolor. Mamma e papà son tornati ancor
per festeggiare le nozze d’or,
tutto è cambiato Venezia no
la laguna cambiare non può.

torna elenco canzoni

VIENSTU O NO?
(Zanetti)
torna elenco canzoni

So vegnuo co la chitara
per sentir se ancora in smara
ti te senti de restar.

Cantarò do versi soli
e se po' no ti ghe moli
mi no vado a savariar.

Go pronto el sandolo col so coverto
de fogie a pergola par far l'amor
'na mora in gringola la trovo certo
e vado a goderme el Redentor.

La pazienza xe gran bela
ma no posso cara stela
far la parte del mincion.

Mi te vogio ben assae
ma se dura 'ste sempiae
mondo tuto a rodolon.

Vienstu o no? o Dio! la sento
la vien zoso, oh che contento,
me vien vogia de balar.

Benedeto 'sto momento
che col mio temperamento
go ris-cià de rovinar.

Go pronto el sandolo col so coverto
de fogie a pergola per far l'amor
de andar in gringola ormai so certo
co ti mia cocola al Redentor.

torna elenco canzoni

VISIONE VENEZIANA
(Orvieto - Brogi)
torna elenco canzoni

Grandi cumuli di rose,
di giunchiglie, di verbene,
di gerani e tuberose,
la mia gondola contiene.

Essa fissa nell'aurora
che sorride sul canale,
che i palazzi grigi sfiora
col suo bacio d'immortale.

Presso ad una testa bionda
che fra le verbene affonda
e di rose s'incorona,
il mio capo s'abbandona.

E la gondola ci culla
tutti e due soavemente,
ma la pallida fanciulla
nulla vede e nulla sente.

Chiuse son le lunghe ciglia
sovra il sogno mattutino,
ella sembra una giunchiglia
sotto il cielo cilestrino.

Nell'aurora, fra gli odori
dei bei cumuli di fiori,
questa gondola mi porta
con la mia diletta morta.

torna elenco canzoni

VIVA VENEZIA, VIVA SAN MARCO
(anonimo)
torna elenco canzoni

Il nostro vessillo vogliamo sul mar.

L’inno di guerra San Marco dei prodi
Il nostro vessillo vogliamo sul mar.
Il nostro vessillo vogliamo sul mar.

E tra quel silenzio di tanti canali
si sente la voce del suo gondolier.
Che spinge la barca vogando sul remo
cantando con voce la mesta canzon.

Mia cara Venezia, mia patria diletta,
tu fosti regina possente sui mari.
Tu fosti regina possente sui mari
cinta di glorie, speranze d’amor.

Viva Venezia, viva San Marco.
Evviva le glorie del nostro leon.
Viva le glorie del nostro leon.

torna elenco canzoni

VOGA E VA
(Concina-Cherubini)
torna elenco canzoni

Venezia rassomiglia a una sposa
vestita di merletti di Burano
e passa fra le gondole festosa
tra il Lido e la laguna
sposi ed amanti buona fortuna.

Voga e va gondolier,
canta el cuor
non posso andar più via
perché Venezia mia
m’ha fatto innamorar.

Ho visto due colombi andare in alto
volevan fare il nido in paradiso
e son volati a nozze su Rialto
ed han lanciato un grido:
"Venezia nostra sei il più bel nido".

Voga e va gondolier,
canta el cuor
non posso andar più via
perché Venezia mia
m’ha fatto innamorar.

Xè un vecio gondolier
de Santa Crose
che pianxe quando passa la regata,
iu più no'l pol remar
ma spenze a voxe
le gondole in ghirlanda
lui ch’era il primo sul Canal Grande.

Voga e va gondolier,
canta el cuor
non posso andar più via
perché Venezia mia
m’ha fatto innamorar.

torna elenco canzoni